03.06.2026 | 00:02
– Տեր, սիրում ենք Քեզ և գովում ենք Քեզ:
Դու ես մեր ուրախությունն ու մեր գերազանց վարձը:
– Մի մոռացեք, որ սերն այն զորությունն է, որ կերպարանափոխում է աշխարհը: Սերը ոչ միայն Իմ հանդեպ, ոչ միայն ձեր սիրելի մի քանի մարդկանց հանդեպ, այլ սեր, որ տածում եք ամենքի նկատմամբ` մաքսավորների, մեղավորների, բարոյապես ընկածների:
Սերը միակ զենքն է, որի միջոցով դուրս է նետվում մեղքը. դուրս վտարեք մեղքը սիրով:
Հեռու վանիր քեզնից վախը, տխրությունը, հուսահատությունը և ձախողված լինելու զգացումն Աստծուն ուղղված փառաբանությամբ:
Փառաբանությունը նշանակում է ճանաչել ու ընդունել այն ամենը, որ Ես եմ տալիս ձեզ:
Մարդկանցից քչերն են նոր նվերներ ուղարկում, մինչև որ չի հավաստվում նախորդ նվերը ստանալու փաստը: ՈՒրեմն գովիր ու գոհացիր, հաստատելով քո ընդունած նվերները, որպեսզի Իմ տալու և օրհնելու ճանապարհը բաց պահեն Ինձ համար, է՛լ ավելի պարգևներ հեղելու շնորհակալ սրտի վրա:
Սովորիր, ինչպես երեխան է սովորում պարզորեն ասել` շնորհակալ եմ, իբրև քաղաքավարության քայլ, թեկուզ և առանց երախտագիտության իրական զգացումի: Ասեք այս, մինչև որ շնորհակալության և ուրախության զգացումը, ի վերջո, միահյուսվի ասված խոսքին:
Մի ակնկալեք զգալ կամ իմանալ, թե վերոհիշյալ փորձառությունները զգացել կամ ապրել են ուրիշները: Դուք պարզորեն քայլեք հնազանդության հարթ ճանապարհով, և ձեր հարատև ջանքը կվարձատրվի, երբ հասնեք աղբյուրին՝ ջրի զվարթ աղբյուրին:
Հրճվեք Ինձնով և ինչքան կարող եք, հրճվանք սփռեք ձեր շուրջը: