Մայրաքաղաքում զոհվել Է առնվազն 4 մարդ
Ռուսական անօդաչուների և հրթիռների հարվածներից Ուկրաինայի մայրաքաղաք Կիևում, Դնիպրոյում, Խարկովում և Զապորոժիեում կան ավերածություններ: Կիևում զոհվել Է առնվազն չորս մարդ, կա առնվազն 63 վիրավոր, նրանցից երեքը՝ երեխաներ: Այդ մասին հայտնել Ուկրաինայի արտակարգ իրավիճակների ծառայությունը՝
Կիևի բնակիչներն ապաստան են գտել մետրոյի ստորգետնյա կայարաններում: Ռուսները հարվածել են մայրաքաղաքի 8 թաղամասերին: 30 միջմայրցամաքային հրթիռ, 3 թևավոր հրթիռ և 33 անօդաչու՝ այդ զինանոցով են ռուսները հարվածել Կիևիում ընտրած 38 թիրախներին:
Կիևի քաղաքապետ Վիտալի Կլիչկոն այցելել Է Պոդիլսկի թաղամաս, որտեղից տեսաուղերձով դիմել Է հանրությանը: Նա ասել Է, որ ռուսները հերթական զանգվածային հարձակումն են կատարել: Վնասվել են բնակելի թաղամասեր:
«Ես հիմա Պոդիլսկի շրջանում եմ։ Վնասված շենքեր, վիրավորներ։ Այն հատվածներում, որտեղ տներ են վնասվել, օգնության կետեր են տեղակայվում։ Այժմ բոլոր ծառայությունները վերացնում են աշխատում են հարձակումների հետևանքները»,- ասել Է քաղաքապետը։
Ամբողջ Ուկրաինայում անցած գիշեր զոհվել Է 11 մարդ
Փրկարարները փորձում են փլատակներից դուրս հանել մարդկանց: Աշխատանքը շարունակվել Է մինչև հունիսի 2-ի առավոտ: Նույն իրավիճակն Է Խարկովում և Դնիպրոյում:
Ուկրաինական հակաօդային պաշտպանությունը կարողացել Է վնասազերծել 40 հրթիռ և 602 անօդաչու:
Ամբողջ Ուկրաինայում անցած գիշեր զոհվել Է 11 մարդ: Ընդհանուր հաշվով ռուսները կիրառել են 73 հրթիռ և 656 ԱԹՍ: Դնիպրոյում առնվազն 6 մարդ Է զոհվել: Առաջին հուժկու գրոհից հետո թվացել Է, որ հարձակումն ավարտվել Է, փրկարարները շտապել են գրոհի ենթարկված թաղամասեր, և հենց այդ պահին սկսվել Է երկրորդ հարվածը, որի հետևանքով սպանվել Է առնվազն 1 փրկարար:
Զելենսկին հայրենակիցներին հորդորել Է զգոն մնալ
Կիևում գիտեին, որ ռուսները պատրաստվում են նոր օդային հարձակման: Այդ մասին ասել Է նաև նախագահ Վլադիմիր Զելենսկին, որը բնակիչներին հորդորել Է զգոն մնալ և օդային տագնապի ազդանշանը լսելուն պես անմիջապես պատսպարվել:
Ամբողջ գիշեր պայթյունների սարսափազդու ձայն Է: Այս դաժան պատերազմը վերջ ունի՞: Կրեմլի խոսնակ Դմիտրի Պեսկովն այսօր հայտարարել Է, թե ռուսական կողմը պատրաստ Է հարցը լուծել դիվանագիտական եղանակով, բայց ե՞րբ:
«Կհասնենք ուզածին կամ խաղաղ, կամ ռազմական եղանակով»
Պեսկովն անդրադարձել Է Զելենսկու հայտարարությանն այն մասին, որ պատերազմը կարող Է ավարտվել մինչև տարեվերջ:
«Ինչ վերաբերում Է Զելենսկու խոսքին պատերազմը մինչև տարեվերջ ավարտելու հնարավորության մասին, այն կարող է մինչև այս օրվա վերջ ավարտվել: Դրա համար Զելենսկին պետք է հրամայի իր զինված ուժերին լքել Ռուսաստանի մարզերի տարածքը»,- ասել Է Պուտինի մամլո խոսնակը։
Նրա պնդմամբ, Ռուսաստանը միևնույն Է կհասնի ուզածին՝ կամ բանակցություններով, կամ ռազմական եղանակով:
Փաստորեն, ըստ Մոսկվայի, ուկրաինական կողմը պետք Է հրաժարվի իր այն տարածքներից, որոնք Կրեմլը Ռուսաստանի մաս Է հռչակել: Պահանջ, որն Ուկրաինան տակավին մերժում Է: Ուստի, պատերազմի արագ ավարտ չի լինի: