«Կառավարությունն արդեն որոշել է, որ բոլոր այն դեպքերում, երբ առաջանում են արտահանման անարդար խոչընդոտներ, մենք կիրականացնենք աջակցության ծրագրեր», – ասել է Նիկոլ Փաշինյանը։
«Պղպեղը փչանում է, վարդերը փչանում են, կառավարությունը կվճարի դրա համար, բայց արդյունքում Հայաստանում պղպեղի արտադրությունը կաճի, և արտահանումը նույնպես կաճի», – հավելել է նա։
Փաշինյանն ասել է, որ Հայաստանն արդեն իսկ աշխատում է արտահանման նոր շուկաներ զարգացնելու ուղղությամբ, և պետական օգնություն կտրամադրվի, երբ խոչընդոտները կապված չեն ապրանքի որակի հետ։
Հիշեցնենք, որ Ռուսաստանը սահմանափակումներ է դրել հայկական բազմաթիվ ապրանքների ներմուծման վրա՝ մրգեր, ձուկ, ծաղիկներ, «Ջերմուկ» հանքային ջուր, բանջարեղեն, խոտաբույսեր և ելակ: Ռոսսելխոզնադզորը որպես պատճառ նշել էր սանիտարական չափորոշիչների խախտումները:
Արգելքները մտցվում են Հայաստանի և Ռուսաստանի միջև հարաբերությունների վատթարացման ֆոնին՝ պաշտոնական Երևանի՝ արևմտյան երկրների և Եվրամիության հետ մերձեցման պատճառով։ Փաշինյանը հայտարարել է, որ երկու երկրների միջև հարաբերությունները «գտնվում են վերափոխման փուլում»։
Հանրության որոշ շրջանակների ու հատկապես քաղաքական վերլուծաբանների, ընդդիմադիր ուժերի կարծիքով՝ Փաշինյանը որոշել է ապրանք արտահանողների վնասները հատուցել հունիսի 7-ին նրանցից քվե ստանալու ակնկալիքով։