Թբիլիսիում գտնվող Ադրբեջանի պաշտպանության նախարար, գեներալ-գնդապետ Զաքիր Հասանովը հանդիպել է Վրաստանի վարչապետ Իրակլի Կոբախիձեի հետ։
Ըստ Ադրբեջանի պաշտպանության նախարարության՝ հանդիպմանը մասնակցել է նաև Վրաստանի փոխվարչապետ և պաշտպանության նախարար Իրակլի Չիկովանին։ Կողմերը քննարկել են երկկողմ համագործակցության ներկա վիճակը, ինչպես նաև տարածաշրջանային և միջազգային հարցեր։
Կողմերը նաև ընդգծել են տարածաշրջանում խաղաղության և կայունության պահպանման կարևորությունը և նշել են Վրաստանի և Ադրբեջանի միջև պաշտպանության ոլորտում ռազմավարական գործընկերության և համագործակցության բարձր մակարդակը։