Հայաստանը մտադիր է շարունակել մասնակցությունը Եվրասիական տնտեսական միության (ԵԱՏՄ) աշխատանքներին, ուրբաթ օրը Աստանայում կայացած Եվրասիական տնտեսական բարձրագույն խորհրդի նիստում հայտարարել է ՀՀ փոխվարչապետ Մհեր Գրիգորյանը։
Միության երկրների ղեկավարների հանդիպումը տեղի է ունենում Ղազախստանի մայրաքաղաքում ՝ ինչպես ընդլայնված, այնպես էլ նեղ կազմով։ Կողմերը քննարկում են ինտեգրման խորացման և փոխշահավետ տնտեսական համագործակցության ընդլայնման հետագա քայլերը։
«Հայաստանի Հանրապետությունը մտադիր է շարունակել բարեխղճորեն մասնակցել Միության աշխատանքներին, որոնք հիմնված են փոխադարձ հարգանքի, հավասար գործընկերության և ԵԱՏՄ բոլոր անդամ պետությունների ազգային շահերը հաշվի առնելու վրա», – ասել է Գրիգորյանը։