Մյունխենի «Բավարիայի» պատվավոր նախագահ Ուլի Հյոնեսը խոսել է թիմի անգլիացի ֆուտբոլիստ Հարի Քեյնի մասին։
«Քեյնը լավագույն տրանսֆերն է, որը մենք երբևէ իրականացրել ենք»,- Das Erste-ին տված հարցազրույցում նշել է Հյոնեսը։
Երբ լրագրողը հիշեցրել է Քեյնի՝ կատալոնական «Բարսելոնա» հնարավոր տեղափոխության մասին շրջանառվող լուրերը, Հյոնեսը կտրուկ է արձագանքել.
««Բավարիան» այն ակումբն է, որը գնում է, այլ ոչ թե վաճառում… Բացի դրանից, «Բարսելոնան» միևնույն է գումար չունի»։
Նշենք, որ ընթացիկ մրցաշրջանում Հարի Քեյնը ակումբային մակարդակում անցկացրած 51 հանդիպումներում դարձել է 61 գոլի հեղինակ։