ԱՄՆ-ը «ինքնապաշտպանական» հարվածներ է հասցրել Իրանի հարավում գտնվող թիրախներին, այդ թվում՝ հրթիռների արձակման կայաններին և ականներ տեղադրող նավերին։ Սա չնայած այն բանին, որ նախագահ Դոնալդ Թրամփը սոցիալական ցանցերում հայտնել է, թե Թեհրանի հետ բանակցությունները «լավ են ընթանում»։
Հարվածներն իրականացվել են «մեր զորքերն իրանական ուժերի կողմից բխող սպառնալիքներից պաշտպանելու համար», սակայն զինվորականները «զսպվածություն են ցուցաբերում ընթացող հրադադարի ժամանակ»,- ասված է ԱՄՆ զինված ուժերի Կենտրոնական հրամանատարության (CENTCOM) մամուլի քարտուղար, կապիտան Թիմ Հոքինսի հայտարարության մեջ։
Այլ մանրամասներ, այդ թվում՝ Իրանի կողմից բխող սպառնալիքների վերաբերյալ ավելի հստակ տվյալներ և այն, թե ինչ է սա նշանակում բանակցությունների համար, առայժմ հայտնի չեն:
Իրանից պաշտոնական արձագանք չի եղել։
Իրանական «Tabnak» լրատվական կայքը, որը համարվում է Հեղափոխության պահապանների կորպուսի (ԻՀՊԿ) նախկին ղեկավար Մոհսեն Ռեզայիին մոտ կանգնած աղբյուր, գրել է, որ նավերի վրա ամերիկյան հարվածքներից սպանվել է չորս զինծառայող։ Իրանական պետական հեռուստատեսությունն առանձին հաղորդել է պայթյունների մասին Բանդար Աբասի շրջակայքում. քաղաք, որը գտնվում է Հորմուզի նեղուցի վրա և որտեղ գտնվում են ռազմական նավահանգիստն ու երկակի նշանակության օդանավակայանը։
Այս հարվածները վերջին հարձակումներն էին, որոնք ցնցեցին պատերազմում արդեն շաբաթներ տևող հրադադարը։