Հռոմի պապ Լևոն XIV-ը մայիսի 25-ին ներկայացրել է «Magnifica humanitas». արհեստական բանականության դարաշրջանում մարդու անհատականության պաշտպանության մասին» իր առաջին շրջաբերական նամակը։ Նա կոչ է արել «զինաթափել» արհեստական բանականությունը՝ մարդկությանն այդ տեխնոլոգիայի հետ կապված ռիսկերից պաշտպանելու համար։ ««Զինաթափելը» չի նշանակում մերժել տեխնոլոգիան, այլ կանխել դրա գերիշխանությունը մարդկության վրա», — պարզաբանել է նա։
Հռոմի պապը պահանջել է ազատել ԱԲ-ն մի քանի անդրազգային կորպորացիաների մոնոպոլ վերահսկողությունից։ Ըստ նրա՝ փոքրաթիվ, բայց ազդեցիկ խմբերն այսօր ընդունակ են կառավարել տեղեկատվական հոսքերը, թելադրել ժողովրդավարական գործընթացների ընթացքը և ազդել տնտեսության վրա։
Նա խիստ է խոսել զենքերի կիրառման դեմ, որոնք հինված են արհեստական բանականության վրա՝ նշելով, որ «չկա որևէ ալգորիթմ, որը կարող է պատերազմը բարոյապես ընդունելի դարձնել»։
Լևոն XIV-ը խստորեն քննադատել է «ուժի մշակույթը», որը նորմալ է դարձնում պատերազմը և խրախուսում վերազինումը։ Նա կոչ է արել հրաժարվել «արդարացի պատերազմի» տեսությունից, որը օգտագործվում է գլոբալ հակամարտությունները արդարացնելու համար։ Զինված ուժը, ըստ նրա, կարող է կիրառվել բացառապես ամենախիստ իմաստով ինքնապաշտպանության համար։
Դիտորդները այս հայտարարությունը մեկնաբանեցին որպես ամերիկացի տեխնոլոգիական միլիարդատերերի քննադատություն, նշում է dpa լրատվական գործակալությունը։
Ըստ dpa լրատվական գործակալության՝ դիտորդները Հռոմի պապի հայտարարությունների մեջ տեսնում են ամերիկյան տեխնոլոգիական միլիարդատերերի հասցեին հնչած քննադատություն։