Վաշինգտոնի վարչակազմի ղեկավար Դոնալդ Թրամփը հնարավոր է համարել, որ կարող է մնալ Միացյալ Նահանգների նախագահ մինչև 2032 թվականը։
«Ես այստեղ կլինեմ 28-ին (2028 – թվականին խմբ.), իսկ գուցե այստեղ կլինեմ 32-ին (2032 – թվականին խմբ.)։ Չգիտեմ։ Գուցե կլինեմ», – ասել է ամերիկացի առաջնորդը՝ դիմելով Կոնեկտիկուտում գտնվող ԱՄՆ Ափամերձ պահպանության ակադեմիայի շրջանավարտներին։ Նա նկատի ուներ մինչև 2032 թվականը ԱՄՆ բարձրագույն պաշտոնը պահպանելու հնարավորությունը։ Օրենքով, Թրամփի երկրորդ նախագահական ժամկետն ավարտվելու է 2029 թվականի հունվարին։
ԱՄՆ Սահմանադրության 22-րդ փոփոխությունը, որն ընդունվել է 1951 թվականին, սահմանափակում է նախագահի պաշտոնավարման ժամկետը երկու ժամկետով։ Սակայն, ներկայիս ամերիկացի առաջնորդը բազմիցս բարձրացրել է երրորդ ժամկետով վերընտրվելու հնարավորությունը։ Ավելին, նախկին գլխավոր քաղաքական ռազմավար Սթիվ Բաննոնը նույնպես անցյալ աշնանը բարձրաձայնել է այս հնարավորության մասին։
Թրամփը (երկրորդ ժամկետ) հաղթել է 2024 թվականի ընտրություններում: Իսկ նրա առաջին նախագահական ժամկետը եղել է 2017-ից 2021 թվականներին։