«Էստոնիայի օդային տարածքում անօդաչու թռչող սարք է խոցվել», – հաղորդում է այդ երկրի հանրային հեռուստաընկերությունը՝ վկայակոչելով պաշտպանության նախարար Հաննո Պևկուրին։
Նախարարի խոսքով՝ անօդաչուն խոցվել է Էստոնիայի հարավում՝ Վիրտսյարվ լճի մերձակայքում։
«Դրոնի տեղաշարժի մասին առաջին տեղեկությունները մենք ստացել ենք Լատվիայի պաշտպանության ուժերից։ Դրանից հետո ՆԱՏՕ-ի բալթյան առաքելության կազմում գործող կործանիչներից մեկը խոցել է ԱԹՍ-ն», – հայտարարել է նախարարը՝ չբացահայտելով, սակայն, թե որ երկրի դրոնն է դա եղել և որ ուղղությամբ է շարժվել։