Միացեալ Նահանգներու արտաքին գործոց նախարարութենէն բարձրաստիճան պաշտօնատար մը յայտնեց, որ Ուաշինկթընի մէջ Միացեալ Նահանգներու հովանաւորութեամբ Լիբանան-Իսրայէլ բանակցութիւններու հինգշաբթի օրուան առաջին փուլը արդիւնաւէտ եւ դրական քննարկումներով լեցուն էր:
Ամերիկացի պաշտօնատարը նշեց. «Անհամբեր կը սպասեմ ուրբաթ օր անոնց շարունակման, եւ կը յուսամ, որ այդ ատեն յայտարարելու աւելի բան կ՛ունենանք»:
Իսրայէլեան պետական պատկերասփիւռի կայանին համաձայն, կը նախատեսուի, որ Լիբանանն ու Իսրայէլը Հըզպալլայի զինաթափման դիմաց իսրայէլեան բանակի լիբանանեան հողերէն հեռացման շուրջ համաձայնութիւն գոյացնեն:
Պատկերասփիւռի կայանը նշեց, որ «Սի.Այ.Էյ.»-ը «կուսակցութիւնը զինաթափելու ծրագիր մը պատրաստեց, եւ կը սպասուի, որ Իսրայէլէն ու Լիբանանէն պատուիրակութիւններ ուրբաթ օր հաւաքուին` շարունակելու համար խաղաղութեան Միացեալ Նահանգներու հովանաւորած բանակցութիւնները»:
Նշենք, որ երէկ տեղի ունեցաւ Միացեալ Նահանգներու արտաքին գործոց նախարարութեան մէջ Լիբանան-Իսրայէլ բանակցութիւններու երկրորդ փուլը:
«Հատաս» երէկ հաղորդեց. «Լիբանան-Իսրայէլ բանակցութիւնները այսօր պիտի կեդրոնանան զինադադարի ամրապնդման վրայ»: