Կուբա կատարած այցի ժամանակ ԱՄՆ Կենտրոնական հետախուզական վարչության (ԿՀՎ) տնօրեն Ջոն Ռատկլիֆը հայտարարել է Վաշինգտոնի պատրաստակամության մասին՝ համագործակցել տնտեսական և անվտանգության հարցերում, եթե կղզում բարեփոխումներ իրականացվեն: Այս մասին հաղորդում է Axios-ը՝ հղում անելով աղբյուրներին։
Ըստ լրատվական գործակալության՝ Կուբա կատարած այցի ընթացքում Ռատկլիֆը հանդիպել է Ռաուլ Կաստրոյի թոռան՝ Ռաուլ Գիլյերմո Ռոդրիգես Կաստրոյի, ինչպես նաև Ներքին գործերի նախարար Լազարո Ալբերտո Ալվարես Կասասի և Կուբայի հետախուզության ղեկավարի հետ:
Axios-ի տվյալներով՝ ԿՀՎ տնօրենը «փոխանցել է նախագահ Դոնալդ Թրամփի ուղերձը, որ Միացյալ Նահանգները պատրաստ է լուրջ համագործակցության տնտեսական և անվտանգության հարցերում, եթե Կուբան արմատական փոփոխություններ կատարի»:
«Հանդիպման ժամանակ ԿՀՎ տնօրեն Ռատկլիֆը և Կուբայի ղեկավարության ներկայացուցիչները քննարկել են հետախուզական համագործակցությունը, տնտեսական կայունությունը և անվտանգության հարցերը՝ այն համատեքստում, որ Կուբան այլևս չի լինի ԱՄՆ մրցակիցների համար Արևմտյան կիսագնդում ապաստան», – հաղորդել է պորտալը՝ հղում անելով ամերիկյան վարչակազմի աղբյուրներին: