Ռուսաստանի և Եգիպտոսի ԱԳ նախարարներ Սերգեյ Լավրովը և Բադր Աբդելատին Նյու Դելիում կայացած հանդիպման ժամանակ ընդգծել են Իրանի շուրջ ճգնաժամի խաղաղ կարգավորման անհրաժեշտությունը, հայտնում է Ռուսաստանի արտաքին գործերի նախարարությունը։
«Նախարարները քննարկել են Մերձավոր Արևելքում ստեղծված իրավիճակը, այդ թվում՝ Իրանի շուրջ ստեղծված իրավիճակը։ Երկու կողմերն էլ ընդգծել են ճգնաժամի խաղաղ կարգավորման հասնելու և միջազգային հանրության ջանքերը ամրապնդելու անհրաժեշտությունը՝ կայուն, երկարաժամկետ կարգավորման հասնելու համար, որը հաշվի կառնի տարածաշրջանի երկրների օրինական շահերը», – ասվում է Ռուսաստանի արտաքին գործերի նախարարության հայտարարության մեջ: