Վիքթոր Ուեմպանեամա («Ուեմպի») իր ասպարէզի առաջին վտարումը մոռացութեան մատնեց, երբ փայլուն ելոյթ մը ունեցաւ 27 կէտ եւ 17 ռիպաունտ ձեռք ձգելէ ետք, օգնելով Սան Անթոնիօ Սփըրզի, որ յաղթէ Մինեսոթա Թիմպըրվուլվզին` 126-97 արդիւնքով:
Ուիմպի 5 էսիսթ եւ 3 պլոք ալ կատարեց մրցումի մը, որ եղաւ 3-րդ յաղթանակը` 5-րդ ճակատումին, Այժմ յաղթանակ մը եւս եւ Սփըրզ կը հասնի Արեւմտեան շրջանի աւարտական, ուր պիտի մրցի անցեալ տարուան ախոյեան Օքլահոմա Սիթի Թանտըրին դէմ:
22 տարեկան Ուիմպանեամա 3-րդ ամէնէն երիտասարդ մարզիկն է, որ «Էն. Պի. Էյ.»-ի փլէյ օֆի մրցումներու պատմութեան մէջ այս ձեւի թիւեր ձեռք կը բերէ: Նախապէս Մեճիք Ճոնսըն (20 տարեկան) եւ Լուքա Տոնչիչ (21 տարեկան) միայն յաջողած են այսքան փայլիլ փլէյ օֆին:
Քելտըն Ճոնսըն 21 կէտ աւելցուց, Տը՛Արոն Ֆոքս (18 կէտ) եւ Սթեֆըն Քեսըլ (17 կէտ) իրենց կարգին լաւ խմբային խաղ ունեցան:
Մինեսոթայի աստղը` Անթոնի Էտուըրտծ, որ առաջին կիսախաղին 8 կէտեր նշանակեց, միայն 20 կէտով աւարտեց մրցումը, մինչ Ճուլիըս Ռենտըլ եւ Ճէյտըն Մըքտենիըլզ 17-ական կէտեր նշանակեցին ի նպաստ Թիմպըրվուլվզի, որ պէտք է յաղթէ մնացեալ 2 ճակատումներուն:
Այսօր առաւօտեան ժամերուն Տիթրոյիթ Փիսթընզ իր 5-րդ ճակատումին պիտի հիւրընկալէ Քլիվլենտը Քեվելիրզը, որ 2-0 ետ մնալէ ետք կրցած էր իր դաշտին վրայ 2 յաջորդական մրցումներ շահիլ: