Վաշինգտոնը քննարկում է Իրանի դեմ ինչպես դիվանագիտական, այնպես էլ ռազմական գործողությունների հնարավորությունը։ Այս մասին հայտարարել է ԱՄՆ փոխնախագահ Ջ.Դ. Վենսը լրագրողների հետ հանդիպման ժամանակ։
«Ես համաձայն եմ նախագահի հետ, որ Իրանը չպետք է միջուկային զենք ձեռք բերի։ Մենք, իհարկե, ներգրավված ենք շատ ագրեսիվ դիվանագիտական գործընթացում՝ ապահովելու համար, որ դա տեղի չունենա։ Նախագահն ունի բազմաթիվ տարբերակներ։ Նա բազմիցս ասել է, որ կան դիվանագիտական տարբերակներ, և կան ռազմական տարբերակներ», – ասել է Վենսը՝ մեկնաբանելով Իսլամական Հանրապետության հետ բանակցությունների ընթացքը։