Իրանի նախագահ Մասուդ Փեզեշքիանը հայտարարել է, որ Թեհրանը հնարավոր է համարում բանակցությունները Միացյալ Նահանգների հետ՝ չնայած Վաշինգտոնի նկատմամբ առկա անվստահությանը:
«Չնայած թշնամու նկատմամբ անվստահությանը՝ Իրանի Իսլամական Հանրապետությունը բանակցությունները հնարավոր է համարում արժանապատվության, իմաստության և նպատակահարմարության դիրքերից», – նախագահի խոսքերը մեջբերել է մամուլի ծառայությունը։
Ինչպես նշել է Փեզեշքիանը, Թեհրանը պետք է դիվանագիտական ասպարեզում ամրապնդի այն ամենը, ինչին Իրանի զինված ուժերը հասել են մարտադաշտում։