ՌԴ նախագահ Վլադիմիր Պուտինը հայտարարել է, որ Ուկրաինայի հակամարտությունը «մոտենում է ավարտին»։
Ինչպես հայտնում է BBC-ն, Մոսկվայում Հաղթանակի օրվա շքերթից հետո Պուտինը նշել է, որ «այս հարցն ավարտվում է»՝ միաժամանակ քննադատելով Արևմուտքի աջակցությունը Կիևին։
Պուտինը նաև հայտարարել է, որ պատրաստ է հանդիպել Ուկրաինայի նախագահ Վոլոդիմիր Զելենսկու հետ միայն երկարատև խաղաղության համաձայնագրի շուրջ վերջնական պայմանավորվածությունների դեպքում։
«Հնարավոր է նաև հանդիպում երրորդ երկրում, բայց միայն այն դեպքում, երբ վերջնական համաձայնություններ ձեռք բերվեն երկարաժամկետ պատմական հեռանկարի համար խաղաղության պայմանագրի վերաբերյալ, որպեսզի մասնակցեն այս միջոցառմանը և ստորագրեն (պայմանագիրը), բայց դա պետք է լինի վերջնական քայլ», — շարունակել է նա:
Նա հավելել է, որ պատրաստ կլինի բանակցել Եվրոպայի համար նոր անվտանգության կարգավորումների շուրջ, և որ իր նախընտրելի բանակցային գործընկերը կլինի Գերմանիայի նախկին կանցլեր Գերհարդ Շրյոդերը։
Անցյալ շաբաթ Եվրոպական խորհրդի նախագահ Անտոնիո Կոշտան հայտարարել է, որ կարծում է, որ ԵՄ-ի համար «ներուժ» կա բանակցելու Ռուսաստանի հետ, և որ Զելենսկին կողմ է նման քայլին։
Ըստ Financial Times-ի՝ Կոշտան ասել է, որ խորհրդակցում է ԵՄ առաջնորդների հետ այն մասին, թե «ինչ պետք է արդյունավետորեն քննարկեն Ռուսաստանի հետ, երբ գա դա անելու ճիշտ պահը»։
Շաբաթավերջին ԱՄՆ-ի գլխավորությամբ կնքված հրադադարի համաձայնագրի շրջանակներում Կիևը և Մոսկվան համաձայնել են յուրաքանչյուր երկրից 1000-ական գերիների փոխանակմանը։
BBC-ի փոխանցմամբ՝ այս տարվա Կարմիր հրապարակի զորահանդեսն անցել է առանց ռազմական տեխնիկայի ցուցադրության։