Միացյալ Նահանգները հույս ունի, որ ռուս-ուկրաինական հակամարտության կարգավորման բանակցություններում հնարավոր է արագ արդյունքների հասնել, սակայն այս գործընթացը մնում է բարդ և պահանջում է ավելի շատ ջանքեր, «Զվեզդա»-ին ասել է Ռուսաստանի նախագահի մամուլի քարտուղար Դմիտրի Պեսկովը։
«Ամերիկան ցանկանում է արագ արդյունքներ, բայց դրանք միշտ չէ, որ հնարավոր են, քանի որ բանակցությունները շատ բարդ են, կան բազմաթիվ դետալներ։ Ամերիկան նախկինում էլ է ասել, որ ցանկանում է ամեն ինչ որքան հնարավոր է արագ լինի, որ կարող է խնդիրը լուծվել նույնիսկ մեկ գիշերվա ընթացքում։ Սակայն, ցավոք, այդպես չէ. դա պահանջում է ավելի շատ ջանքեր», — ասել է Պեսկովը։
Մի քանի ժամ առաջ Պեսկովը հայտարարել էր, որ Միացյալ Նահանգները «շտապում է» ուկրաինական կարգավորման հարցում, բայց խաղաղության համաձայնագրին հասնելը մնում է բարդ և երկարատև գործընթաց։
Նա այդպես է մեկնաբանել ԱՄՆ պետքարտուղար Մարկո Ռուբիոյի խոսքերը Վաշինգտոնի՝ Մոսկվա-Կիև բանակցություններում միջնորդությունը շարունակելու պատրաստակամության մասին, եթե իրական առաջընթաց գրանցվի։ Ռուբիոն հայտարարել էր, որ հակամարտությունը լուծելու Վաշինգտոնի ջանքերը «մտել են փակուղի»։
«Մենք փորձել ենք միջնորդի դեր ստանձնել, բայց մինչ օրս դա մի շարք պատճառներով արդյունք չի տվել ։ Մենք էլի պատրաստ ենք այդ դերը ստանձնել, եթե այն արդյունավետ լինել», — ասել էր նա։