Իրանի ֆուտբոլի ֆեդերացիայի նախագահ Մեհդի Թաջը հաստատել է, որ ազգային հավաքականը կմասնակցի 2026 թվականի աշխարհի առաջնությանը, հաղորդում է RMC Sport-ը։
«Մենք կմասնակցենք մրցաշարին, բայց չենք հրաժարվի մեր համոզմունքներից, մշակույթից և սկզբունքներից։ Ոչ մի արտաքին ուժ չի կարող զրկել Իրանին մասնակցելուց այն մրցաշարին, որին այն արժանիորեն որակավորվել է», – հայտարարել է նա։
Միևնույն ժամանակ, Իրանը մի շարք պայմաններ է սահմանել, այդ թվում՝ վիզաների տրամադրում և անձնակազմի նկատմամբ հարգալից վերաբերմունք, Իրանի դրոշը և պետական օրհներգը։ Թեհրանը նաև պահանջում է բարձր մակարդակի անվտանգություն օդանավակայաններում, հյուրանոցներում և այն մարզադաշտեր տանող ճանապարհների երկայնքով, որտեղ թիմը կխաղա։