ԱՄՆ նախագահ Դոնալդ Թրամփը հայտարարել է, որ Իրանի հետ բանակցությունների համար վերջնաժամկետ չի սահմանում, բայց վստահ է, որ համաձայնության հասնելը հնարավոր է։
Ինչպես չորեքշաբթի օրը հաղորդել է Axios-ը՝ հղում անելով աղբյուրներին, Սպիտակ տունը կարծում է, որ ԱՄՆ-ն և Իրանը շուտով կարող են ստորագրել 14 կետից բաղկացած հուշագիր հակամարտության դադարեցման վերաբերյալ: Սակայն նույն օրը, ըստ New York Post-ի, ամերիկացի առաջնորդը ընդգծել է, որ դեռևս «շատ վաղ է» մտածել երկու երկրների միջև խաղաղության ուղիղ բանակցությունների մասին:
«(Իրանի շուրջ բանակցություններում – խմբ.) վերջնաժամկետ չկա։ Դա տեղի կունենա (գործարք – խմբ.), բայց վերջնաժամկետ չկա», – լրագրողներին ասել է Թրամփը Սպիտակ տանը կայացած միջոցառման ժամանակ։