ՄԱԿ-ի Անվտանգության խորհուրդը չորեքշաբթի՝ մայիսի 6-ին, փակ խորհրդակցություններ կանցկացնի Արաբական Միացյալ Էմիրությունների (ԱՄԷ) վրա հարձակումների վերաբերյալ, հաղորդում է «Ալ Ջազիրան»՝ հղում անելով դիվանագիտական աղբյուրին։
«Անվտանգության խորհուրդը չորեքշաբթի օրը փակ խորհրդակցություն կանցկացնի ԱՄԷ-ի վրա հարձակումների վերաբերյալ», – ասել է աղբյուրը։
Երկուշաբթի օրը ԱՄԷ պաշտպանության նախարարությունը հայտնել է 12 բալիստիկ հրթիռների և չորս անօդաչու թռչող սարքերի որսման մասին, որոնք, ենթադրաբար, արձակվել են Իրանից։ Անօդաչու թռչող սարքի միջադեպը խոշոր հրդեհ է առաջացրել Ֆուջեյրա արևելյան էմիրության նավթարդյունաբերական պարկում, որը Օմանի ծոցին նայող միակ ԱՄԷ էմիրությունն է։
Սակայն Թեհրանը հերքել է ԱՄԷ-ի վրա հարձակումներին իր մասնակցությունը՝ պնդելով, որ նավթարդյունաբերական պարկում հրդեհը առաջացել է ամերիկացիների կողմից։