Ֆրանսիայի նախագահ Էմանուել Մակրոնը մտադիր է կրկին զանգահարել Իրանի նախագահ Մասուդ Փեզեշքիանին՝ քննարկելու Մերձավոր Արևելքում տիրող իրավիճակը և Հորմուզի նեղուցում նավագնացությունը։
«Ես մտադիր եմ շուտով խոսել Իրանի նախագահի հետ՝ նրա խնդրանքով», – ասել է Մակրոնը ՀՀ վարչապետ Նիկոլ Փաշինյանի հետ հանդիպումից հետո տեղի ունեցած մամուլի ասուլիսում։ Նա ընդգծել է, որ լրագրողներին չի տրամադրի մանրամասներ այն մասին, թե ինչ է նախատեսում քննարկել իր իրանցի գործընկերոջ հետ։
Միևնույն ժամանակ, պետության ղեկավարը վերահաստատել է Ֆրանսիայի պաշտոնական դիրքորոշումը՝ Հորմուզի նեղուցում արագ հրադադարի և նավագնացության վերականգնման անհրաժեշտության վերաբերյալ՝ «առանց տուրքերի կամ սահմանափակումների»։
Մակրոնը հավելել է, որ առևտրային նավերի և երրորդ երկրների վրա ցանկացած հարձակում համարում է «սխալ, որը բորբոքում է պատերազմը և հանգեցնում է սրացման»։