Ինդոնեզիայի Արևելյան Ճավա նահանգում գտնվող «Սեմերու» հրաբուխը կտրուկ ակտիվացել է․ գրանցվել է առնվազն ինը ժայթքում։ Ինդոնեզիայի հրաբխագիտության կենտրոնի տվյալներով՝ ժայթքումներից մեկի ժամանակ մոխրի սյունը բարձրացել է մինչև 900 մետր՝ խառնարանից վեր, հասնելով մոտ 4576 մետր բարձրության ծովի մակարդակից։ Մյուս ժայթքումների ընթացքում մոխրի արտանետումները հասել են արդեն 4.3-4.6 կմ բարձրության։
Իրավիճակը գնահատվում է վտանգավոր․ տեղական իշխանությունները արգելել են բնակիչներին և զբոսաշրջիկներին մոտենալ խառնարանին 5 կմ շառավղով՝ տաք քարերի և նոր ժայթքումների ռիսկի պատճառով։ «Սեմերու» հրաբուխը Ինդոնեզիայի ամենաակտիվ հրաբուխներից է, և նման ակտիվացումները այստեղ պարբերական բնույթ ունեն, սակայն յուրաքանչյուր նոր ժայթքում բարձրացնում է վտանգի մակարդակը տարածաշրջանում։