Լիոնել Մեսսիի Ինթեր Մայեմի ակումբը 3-0 արդիւնքով յառաջանալէ ետք 4-3 արդիւնքով անակնկալ պարտութիւն մը կրեց Օրլանտօ Սիթիի դէմ մրցումին` անգամ մը եւս ձախողելէ ետք յաղթանակ տօնել Մայեմիի նորակառոյց «Նիւ Սթատիում»-ին մէջ:
Մրցումի առաջին մասին կը կարծուէր, որ Մայեմի հանգիստ յաղթանակ պիտի արձանագրէ Մեսսիի 100-րդ մրցումին` Ֆլորիտայի ակումբին հետ:
Բայց Օրլանտօ կրցաւ 4 կոլ նշանակել Մայեմիի դէմ, որ այս տարեշրջանին իր 2-րդ պարտութիւնը կրեց:
Պարսելոնայի նախկին աստղը գեղեցիկ հարուածով մրցումին հաշիւը 3-0-ի բարձրացուց 33-րդ վայրկեանին: Նախապէս Իան Ֆրէյ եւ վենեզուելացի Թելասքօ Սեկովիա նշանակած էին Մայեմիի կոլերը:
Արժանթինցի Մարթին Օխետա 39-րդ, 68-րդ եւ 79-րդ վայրկեաններուն հեթ-թրիք մը իրագործեց ի նպաստ Օրլանտոյի, մինչ Թայրիս Սփայսըր 92-րդ վայրկեանին նշանակեց յաղթանակի կոլը` բերդապահ Տէյն Սենթ Քլերի ոտքերուն մէջէն:
Օրլանտօ Սիթի 13-րդ դիրքը գրաւեց այս յաղթանակէն ետք, մինչ Ինթեր Մայեմի մնաց 3-րդ դիրքին վրայ, Արեւելեան շրջանին մէջ: