Գերմանիայի կանցլեր Ֆրիդրիխ Մերցը մայիսի 4-ին չի մեկնի Հայաստան՝ մասնակցելու Եվրոպական քաղաքական համայնքի (ԵՔՀ) գագաթնաժողովին, որին մասնակցում է մոտ 50 երկիր։ DPA լրատվական գործակալության փոխանցմամբ՝ սա առաջին դեպքն է, երբ ԵՔՀ ութերորդ գագաթնաժողովը կանցկացվի առանց Գերմանիայի վարչապետի։
«Գերմանիայի կանցլերը չի կարող մեկնել այլ պարտավորությունների պատճառով», – DPA-ի հարցմանը պատասխանելով ասել է Գերմանիայի կառավարության խոսնակը։ «Գերմանիայի կանցլերն արդեն մասնակցել է ԵՔՀ երկու նիստի և ակտիվ կապի մեջ է շատ մասնակիցների հետ», – հավելել է նա։
Դեռևս որոշում չի կայացվել, թե ով կներկայացնի Գերմանիայի կանցլերին։ Մերցը մայիսի 4-ին Բեռլինում կմասնակցի Քրիստոնեա-դեմոկրատական միության նախագահության նիստին։ Կառավարության մամուլի ծառայությունը դեռևս չի հայտարարել Գերմանիայի կանցլերի մասնակցությամբ որևէ այլ հանրային միջոցառման մասին։