Իրանի արտաքին գործերի նախարար Աբբաս Արաղչին շաբաթ երեկոյան Թուրքիայի, Կատարի, Սաուդյան Արաբիայի, Եգիպտոսի, Իրաքի և Ադրբեջանի իր գործընկերների հետ հեռախոսազրույցների ժամանակ հայտարարել է, որ Թեհրանը պատրաստ է շարունակել բանակցությունները Վաշինգտոնի հետ, եթե ԱՄՆ-ն փոխի իր մոտեցումն ու հռետորաբանությունը։
«Իրանը չի սկսել այս պատերազմը։ Թեհրանը պատրաստ է շարունակել դիվանագիտական գործընթացը, եթե ամերիկյան կողմը փոխի իր մոտեցումը, հռետորաբանությունը և սադրիչ գործողությունները, մինչդեռ Իրանի զինված ուժերը պատրաստ են համապարփակ և վճռականորեն պաշտպանել իրանցի ժողովրդին ցանկացած սպառնալիքից կամ չարիքից», – ասել է Արաղչին, ինչպես մեջբերել է Իրանի արտաքին գործերի նախարարության Telegram ալիքը ։