Սևաստոպոլում ոստիկանությունը քննում է խարդախության դեպք, որի հետևանքով 21-ամյա աղջիկը կորցրել է իր ոսկե մատանին։ Դեպքը տեղի է ունեցել քաղաքային զբոսայգիներից մեկում, որտեղ մի կին մոտեցել է երիտասարդ աղջկա, առաջարկել «հանել անեծք» 300 ռուբլու դիմաց։
Ըստ ոստիկանության տվյալների՝ «հմայախոս կինը» համոզել է աղջկան հանել ոսկե մատանին, դնել իր ափի մեջ և կատարել խորհրդանշական գործողություն՝ գլուխը բարձրացնելով և «աղոթք» կարդալով։ Այդ ընթացքում կինը վերցրել է մատանին և հեռացել։
Տուժածը փորձել է հասնել նրան, սակայն կինը հայտարարել է, որ մատանին կվերադարձվի «անեծքը հանելուց հետո»։ Ավելի ուշ պարզվել է, որ նա զարդը գրավադրել է լոմբարդում։
Կասկածյալը ձերբակալվել է։ Նրա նկատմամբ հարուցվել է քրեական գործ՝ խարդախության հոդվածով, որը նախատեսում է մինչև 5 տարվա ազատազրկում։