Մալիում իրավիճակը վերահսկողության տակ է։ Այս մասին հայտարարել է նախագահ Ասիմի Գոյտան ORTM հեռուստաընկերությամբ հեռարձակված ազգին ուղղված իր ուղերձում։ Սա պետության ղեկավարի առաջին հրապարակային ելույթն էր ապրիլի 25-ից ի վեր, երբ երկրի մի քանի շրջաններում սկսվեցին արմատական խմբավորումների համակարգված հարձակումները։
«Իրավիճակը վերահսկողության տակ է», – ասել է նա։ Գոյտան հավելել է, որ արմատական զինված խմբավորումների դեմ գործողությունը կշարունակվի մինչև դրանց լիակատար վերացումը և երկրի ողջ տարածքում անվտանգության վերականգնումը։
Նախագահը նշել է Սահելի պետությունների կոնֆեդերացիայի (Բուրկինա Ֆասո, Մալի և Նիգեր) համատեղ գործողությունները և կոնֆեդերացիայի միացյալ ուժերի ջանքերը՝ տարածաշրջանային անվտանգությունն ապահովելու համար։ Գոյտան նաև բարձր է գնահատել Ռուսաստանի Դաշնության դերը։ «Ես կցանկանայի նշել մեր գործընկերների, մասնավորապես Ռուսաստանի հետ մեր ռազմավարական համագործակցության բարձր որակը», – ասել է նա։
Նախագահը կոչ է արել իր համաքաղաքացիներին չտրվել թշնամական ուժերի կողմից հասարակությունը պառակտելու փորձերին։