Պաթումի մէջ (Վրաստան) տեղի ունեցած Եւրոպայի ծանրաբարձութեան ախոյեանութեան մրցումները վերջ գտան: Հայաստանի տղոց հաւաքականը գրաւեց վերջնական դասաւորման առաջին դիրքը, մինչ աղջկանց ազգային խումբը գրաւեց 3-րդ դիրքը:
Վարազդատ Լալայեանի (110 քիլոկրամէն աւելի) ոսկի մետալէն ետք, վերջին օրուան մրցումներուն Հայաստան գերազանցեց Պուլկարիան եւ Թուրքիան, որոնք գրաւեցին յաջորդաբար 2-րդ եւ 3-րդ դիրքերը:
Ոսկի մետալ շահեցաւ (ախոյեաններ) Գարիկ Կարապետեան, (110 քկ) որ երկամարտի 415 քկ արդիւնքով հռչակուեցաւ ախոյեան 3-րդ անգամ ըլլալով: Վարազդատ Լալայեան (110 քիլոկրամէն աւելի) երկամարտի 451 քկ արդիւնքով նոյնպէս նուաճեց ախոյեանութեան տիտղոսը` երրորդ անգամ ըլլալով:
Էմմա Պօղոսեան (86 քկ) դարձաւ աղջկանց ախոյեան 248 քկ երկամարտի արդիւնքով: Արծաթէ մետալակիրներ դարձան (փոխախոյեաններ) եւ Գառնիկ Չոլակեան (60 քկ)` 274 քկ երկամարտի արդիւնքով, Գոռ Սահակեան (71 քկ)` 330 քկ երկամարտի արդիւնքով, Արա Աղանեան (94 քկ)` 381 քկ երկամարտի արդիւնքով, Արա Աղանեան (94 քկ)` 381 քկ երկամարտի արդիւնքով, եւ Ալեքսանտր Գրիգորեան (58 քկ)` 210 քկ երկամարտի արդիւնքով:
Պրոնզէ մետալակիր դարձաւ Մարտին Պօղոսեան (79 քկ)` 338 քկ երկամարտի արդիւնքով:
Նշենք, որ աղջկանց հաւաքականի անդամ Տաթեւ Յակոբեան (86 քիլոկրամէն վեր) էփոլէ-ժըթէի իր վերջին փորձէն ետք իր կօշիկները հանեց եւ 30 տարեկանին լքեց ծանրաբարձութեան իր արհեստավարժ ասպարէզը: