Պետական եկամուտների կոմիտեն հայտնում է, որ ՊԵԿ պաշտոնական կայքում հրապարակվել է 2026 թվականի հունվար-մարտ ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը: Այս մասին Iravaban.net-ը տեղեկանում է Պետական եկամուտների կոմիտեից։
1000 խոշոր հարկ վճարողների կողմից 2026 թվականի հունվար-մարտ ամիսների ընթացքում պետական բյուջե ընդհանուր առմամբ վճարվել է ավելի քան 459 միլիարդ 270 միլիոն դրամ։ Պետական բյուջե է մուտքագրվել նախորդ տարվա նույն ցուցանիշից ավելի 49 միլիարդ 916 միլիոն դրամ․ նախորդ տարվա նույն ցուցանիշը կազմել է ավելի քան 409 միլիարդ 353 միլիոն դրամ:
Հարկային մարմին կատարված վճարումների գումարը կազմել է ավելի քան 380 միլիարդ 334 միլիոն դրամ, իսկ Մաքսային մարմին կատարված վճարումների գումարը՝ ավելի քան 78 միլիարդ 935 միլիոն դրամ։
1000 խոշոր հարկ վճարողների վերաբերյալ ցանկը հասանելի է ՊԵԿ պաշտոնական կայքի «Տեղեկություն հարկ վճարողների վերաբերյալ» բաժնի «Հարկ վճարողների վերաբերյալ տեղեկատվական ցանկեր» ենթաբաժնում:
Առաջին տասնյակը գլխավորում են հետևյալ կազմակերպությունները՝
- ՄՈԲԱՅԼ ՍԵՆԹՐ ԱՐԹ
- ԳԱԶՊՐՈՄ ԱՐՄԵՆԻԱ
- ԶԱՆԳԵԶՈՒՐԻ ՊՂՆՁԱՄՈԼԻԲԴԵՆԱՅԻՆ ԿՈՄԲԻՆԱՏ
- ԳՐԱՆԴ ՏՈԲԱԿՈ
- ՍՈՖԹ ԿՈՆՍՏՐԱԿՏ
- ԻՄՎԲԱՄ
- ԴԻՋԻԹԵՅՆ
- ՖԻԼԻՊ ՄՈՐՐԻՍ ԱՐՄԵՆԻԱ
- ՍԻԹԻ
- ԹԵՂՈՒՏ