Պրոբացիայի ծառայությանը կվերապահվի տնային կալանքի տակ գտնվող անձանց փոխադրման լիազորություն, կնախատեսվեն այդ փոխադրման կարգը սահմանող ենթաօրենսդրական ակտի, ինչպես նաև ձերբակալված, կալանավորված և դատապարտված անձանց փոխադրումների ուղղությունները կարգավորող համատեղ ակտի ընդունման համար անհրաժեշտ լիազորող նորմեր։
Քննարկվող օրենսդրական փոփոխություններով նախատեսվում է ընդլայնել Պրոբացիայի ծառայության լիազորությունների շրջանակը՝ վերջինիս վերապահելով նաև տնային կալանքի տակ գտնվող անձանց փոխադրման գործառույթը։
Գործող իրավակարգավորման պայմաններում տնային կալանքի տակ գտնվող անձանց փոխադրումը փաստացի իրականացվում է Հայաստանի Հանրապետության ոստիկանության կողմից՝ չնայած այն հանգամանքին, որ այդ անձինք հանդիսանում են Պրոբացիայի ծառայության շահառուներ։ Սա առաջ է բերել իրավական և ինստիտուցիոնալ որոշակի անհամապատասխանություններ։
Նախարարությունը այս իրավիճակը հիմնավորում է Պրոբացիայի ծառայությունում մինչ այժմ եղած հաստիքների սակավությամբ։ Այս խնդրի լուծման համար նախորդ տարեվերջին կատարվեցին անհրաժեշտ փոփոխություններ։
Թեմայի շուրջ զրուցել ենք «Իրավաբանական խորհրդատվական խումբ» փաստաբանական ընկերության գործընկեր փաստաբան Հունան Բաբայանի և ԱՆ քրեական օրենսդրության, քրեակատարողական և պրոբացիայի ոլորտի քաղաքականության մշակման վարչության քրեակատարողական և պրոբացիայի ոլորտի քաղաքականության մշակման և ներման հարցերով բաժնի ավագ մասնագետ Նաիրա Ղարիբյանի հետ։
Մանրամասները տեսանյութում