Իրանի իշխանությունները մահապատժի են ենթարկել «Ջեյշ ալ-Ադլ» խմբավորման անդամին, որը Իրանում համարվում է ահաբեկչական կազմակերպություն, հաղորդում է Իրանի պետական հեռարձակողը։
«Ամեր Ռամեշը, որը «Ջեյշ ալ-Ադլ» խմբավորման կողմից մարզված ահաբեկիչ էր, բարձրացվեց արդարադատության կախաղանին», – ասվում է հայտարարության մեջ։
Պետական հեռարձակողի տվյալներով՝ տղամարդը մահապատժի է ենթարկվել ապստամբությանը մասնակցելու, Իսլամական Հանրապետության զինված ուժերի երթուղում դարանակալումներ կազմակերպելու և պայթուցիկներ տեղադրելու, ինչպես նաև Իրանում ահաբեկչական կազմակերպություն համարվող «Ջեյշ ալ-Ադլ» խմբավորմանը մասնակցելու մեղադրանքով։
Սուննի «Ջայշ ալ-Ադլ» (Արդարության բանակ) խմբավորման զինյալները համակարգված կերպով հարձակվում են Իրանի կառավարական շենքերի և աշխատակիցների վրա Պակիստանին սահմանակից Սիստան և Բելուջիստան նահանգում։