Իրանի սպորտի նախարար Ահմադ Դոնյամալին հայտարարել է, որ ազգային հավաքականը կմասնակցի աշխարհի առաջնությանը, եթե խաղացողների անվտանգությունն ապահովվի, հաղորդում է Tasnim-ը։
«Եթե ազգային հավաքականի խաղացողների անվտանգությունը Միացյալ Նահանգներում ապահովվի, մենք կմասնակցենք աշխարհի առաջնությանը։ Սակայն մասնակցության վերաբերյալ որոշումը կկայացնեն կառավարությունը և Ազգային անվտանգության բարձրագույն խորհուրդը», – ասել է Դոնյամալին։
Ավելի վաղ հաղորդվել էր, որ Իրանի ազգային հավաքականը կարող է հրաժարվել աշխարհի առաջնությունից Մերձավոր Արևելքում սրվող հակամարտության և Միացյալ Նահանգների միջամտության պատճառով։ Ավելի ուշ հաղորդվել էր, որ Իրանը ՖԻՖԱ-ի հետ քննարկում է թիմի խաղերը Միացյալ Նահանգներից Մեքսիկա տեղափոխելու հնարավորության հարցը։