«Նոտայից ստուդիա» հաղորդաշարում Մհեր Խաչատրյանը և ստեղծագործությունների անմիջական մասնակիցները ներկայացնում են Հանրային ռադիոյի երաժշտական ստուդիայում ձայնագրված գործերի հետաքրքիր ու քիչ հայտնի պատմությունները։
Երաժշտության մեջ ռապսոդիան ամենաբարդ ժանրերից է, իսկ կրկնակի բարդ է, երբ այն ներկայացվում է հայկական դուդուկի նվագով։
Կոմպոզիտոր Ռոբերտ Պետրոսյանը հենց այդպիսի ստեղծագործություն է գրել, որը տարիներ անց ներկայացրել է «Նովա» ժողովրդական նվագարանների անսամբլը։
«Նոտայից ստուդիայի» այս թողարկման շրջանակներում դուդուկահար Անդրանիկ Գասպարյանը պատմում է ռապսոդիայի կատարման բարդությունների մասին։