Լիբանանի նախագահ Ժոզեֆ Աունը հայտարարել է, որ երկիրը երկկողմ բանակցություններ կվարի Իսրայելի հետ՝ մարտական գործողությունները դադարեցնելու և ինքնիշխանությունը վերականգնելու համար։
«Երկկողմ բանակցությունները կվարի Լիբանանը՝ դեսպան Սայմոն Քարամի գլխավորած պատվիրակության միջոցով, և ոչ ոք չի մասնակցի այս առաքելությանը Լիբանանի փոխարեն կամ չի փոխարինի նրան», – ասվում է նախագահի գրասենյակի հայտարարության մեջ։
Աունի խոսքով՝ բանակցությունների նպատակն է դադարեցնել մարտական գործողությունները, դուրս բերել իսրայելական ուժերը հարավային տարածքներից և տեղակայել լիբանանյան բանակը միջազգայնորեն ճանաչված սահմաններում։
Նախագահական գրասենյակը նշել է, որ պետության ղեկավարը հեռախոսազրույց է ունեցել ԱՄՆ նախագահ Դոնալդ Թրամփի հետ, ով իր ըմբռնումն է հայտնել Լիբանանի դիրքորոշման վերաբերյալ և աջակցել է հրադադարի հասնելու և բանակցային գործընթացը սկսելու ջանքերին։
«Մենք ընտրության առաջ ենք կանգնած՝ կամ շարունակել պատերազմը՝ դրա բոլոր հետևանքներով, կամ բանակցել դրա ավարտի շուրջ և հասնել երկարատև կայունության։ Ես ընտրել եմ բանակցությունների ուղին», – ընդգծել է Լիբանանի նախագահը: