Շաբաթավերջին, Ֆիլատելֆիոյ մէջ (Միացեալ Նահանգներ) տեղի ունեցաւ ազատ ոճի ըմբշամարտի «Ռաֆ-08» մրցաշարքը, որուն գլխաւոր իրադարձութիւնն էր Արման Ծառուկեան-Եուրայա Ֆէյպըր մենամարտը:
Մենամարտը անցաւ Ծառուկեանի ամբողջական վերահսկողութեան տակ եւ վերջ գտաւ 3-րդ ռաունտի աւարտէն առաջ թեքնիք առաւելութեամբ (13-1):
Գօտեմարտի ամբողջ տեւողութեան (3 ռաունտ) Արման Ծառուկեան շատ աւելի լաւ էր, քան իր մրցակիցը, իսկ 3-րդ ռաունտին Ծառուկեանի առաւելութիւնը դարձաւ ճնշող:
Այս յաղթանակը եղաւ Ծառուկեանի 4-րդը` «Ռաֆ»-ի ազատ ոճի մրցաշարքին ինքզինք աւելի ամրապնդելով իբրեւ այս լիկայի լաւագոյն մարզիկներէն մէկը:
Այս մենամարտէն ետք Արման Ծառուկեան յայտարարեց, թէ յաջորդ մենամարտին կ՛ուզէ մրցիլ Քոլպի Քովինկթընի դէմ: