Իրանի իշխանությունները մտադրություն չունեն հարստացված ուրան փոխանցել Վաշինգտոնին, չնայած ԱՄՆ նախագահ Դոնալդ Թրամփի հակառակ պնդումներին, Associated Press-ին տված հարցազրույցում հայտարարել է Իրանի փոխարտգործնախարար Սայիդ Խաթիբզադեն։
«Ես կարող եմ ձեզ վստահեցնել, որ հարստացված նյութեր չեն մատակարարվի Միացյալ Նահանգներ։ Սա անընդունելի է», – մեջբերում է գործակալությունը Խաթիբզադեի խոսքերը։
Իրանի փոխարտգործնախարարը նաև նշել է, որ Թեհրանը պատրաստ չէ ամերիկացի պաշտոնյաների հետ անձնական բանակցությունների նոր փուլ անցկացնել: Իսլամական Հանրապետությունը ձգտում է վերջնականապես կնքել «շրջանակային համաձայնագիր»՝ նախքան անձնական հանդիպմանը անցնելը: