Իրանը շաբաթ երեկոյան փակել է Հորմուզի նեղուցը մինչև ԱՄՆ-ի կողմից ծովային շրջափակման լիակատար վերացումը: Այս մասին հայտարարել են ԻՀՊԿ-ի ռազմածովային ուժերը։
«Հրադադարի համաձայնագրի խախտման պատճառով, քանի որ թշնամին՝ Միացյալ Նահանգները, չի վերացրել իրանական նավերի և նավահանգիստների ծովային շրջափակումը, Հորմուզի նեղուցը փակ կլինի այսօրվանից մինչև շրջափակման վերացումը», – ասվում է հայտարարության մեջ։
ԻՀՊԿ-ն կոչ է արել նավատերերին խստորեն հետևել իրանական կողմի առաջարկություններին և ԱՄՆ նախագահ Դոնալդ Թրամփի հայտարարությունները Հորմուզի նեղուցում ստեղծված իրավիճակի վերաբերյալ որակել է որպես «անարժանահավատ»։
«Մենք զգուշացնում ենք, որ ոչ մի տեսակի նավ չպետք է լքի իր խարիսխները Պարսից ծոցում և Օմանի ծովում, և Հորմուզի նեղուցին մոտենալը կհամարվի թշնամու հետ համագործակցություն, և այդ կանոնները խախտող նավերը կենթարկվեն քրեական պատասխանատվության», – հավելել են ԻՀՊԿ-ի ռազմածովային ուժերը։