ԱՄՆ նախագահ Դոնալդ Թրամփը Truth Social սոցիալական հարթակում կատարած գրառման մեջ նշել է, որ Չինաստանի նախագահ Սի Ցզինպին-ը «շատ ուրախ է, որ Հորմուզի նեղուցը բաց է», գրում է BBC-ին։
Թրամփը նաև տեղեկացրել է, որ մայիսի 14-15-ը նախատեսված հանդիպումը Չինաստանում, իր խոսքով, կարող է լինել «յուրահատուկ և, հնարավոր է, պատմական»՝ հավելելով․ «շատ բան կհաջողվի»։
Հորմուզի նեղուցը համարվում է համաշխարհային էներգետիկ փոխադրումների կարևորագույն ուղիներից մեկը։ Չինաստանը, որը իրանական նավթի խոշորագույն գնորդն է, իր ներմուծվող նավթի մոտ 38 տոկոսը ստանում է հենց այդ նեղուցով։
Պեկինը նաև ակտիվ դեր է ստանձնել տարածաշրջանային գործընթացներում՝ կոչ անելով Իրանին վերսկսել բանակցությունները ԱՄՆ-ի հետ և հայտարարելով, որ աջակցում է հրադադարին ու խաղաղ գործընթացի վերականգնմանը։