Դատարանը հեռակա կարգով կալանավորել է 3-րդ բանակային կորպուսի նախկին հրամանատար, գեներալ-մայոր Գրիգորի Խաչատուրովին: Այս մասին տեղեկանում ենք «Դատալեքս» դատաիրավական համակարգի տվյալներից:
Հաշվի առնելով, որ նա գտնվում է երկրից դուրս, տրվել է նրա հետախուզման օրդեր։ Խաչատուրովի վերաբերյալ քրեական գործը դատարան է փոխանցվել ապրիլի 14-ին։ Գործը ստացել է հակակոռուպցիոն դատարանի դատավոր Մերի Մոսինյանը։
Խաչատուրովի նկատմամբ քրեական գործը հարուցվել էր 2025 թվականի դեկտեմբերի 1-ին: Այդ ժամանակ էլ նրա նկատմամբ միջպետական հետախուզում էր հայտարարվել։
ԶԼՄ-ները Խաչատուրովի նկատմամբ նոր հանրային քրհետապնդման մասին գրել էին նոյեմբերի 30-ին։ 2023-ին նրան մեղադրում էին առանձնապես խոշոր չափերով անշարժ գույքի օրինականացման մեջ, որը, ըստ իրավապահների, ձեռք էր բերել հանցավոր ճանապարհով՝ օգտագործելով իր պաշտոնեական դիրքը։ Այդ գործով նա 2023-ի դեկտեմբերին ազատ էր արձակվել։
