Չինաստանը հանձնառու է Մերձավոր Արևելքում խաղաղությունն ու կայունությունը արագ վերականգնելու ուղղությամբ աշխատելուն, այսօր ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Գուո Ցզյակունը։
«Ներկայիս հրադադարի իրավիճակը չափազանց փխրուն է, և տարածաշրջանում իրավիճակը գտնվում է կրիտիկական փուլում», – ասել է Գուո Ցզյակունը՝ մեկնաբանելով Վենսի խոսքերը։
Դիվանագետը ընդգծել է, որ «գլխավոր առաջնահերթությունն է անել հնարավոր ամեն ինչ՝ կանխելու ռազմական գործողությունների վերսկսումը և պահպանելու հրադադարի դժվարությամբ ձեռք բերված իմպուլսը»։
«Համապատասխան կողմերը պետք է խստորեն պահպանեն ժամանակավոր հրադադարի համաձայնագրերը և վճռականորեն հետևեն քաղաքական և դիվանագիտական միջոցներով վեճերը կարգավորելու ուղուն։ Չինաստանը կաշխատի միջազգային հանրության հետ՝ խաղաղության բանակցությունները շարունակելու և Մերձավոր Արևելքում խաղաղությունն ու կայունությունը արագ վերականգնելու համար», – հավելել է նա։