ԱՄՆ նախագահ Դոնալդ Թրամփը որևէ ճկունություն չի ցուցաբերի Իրանի միջուկային ծրագրի հարցում, հայտարարել է ԱՄՆ փոխնախագահ Ջ.Դ. Վենսը։
«Կան երկու կոնկրետ հարցեր, որոնց վերաբերյալ Միացյալ Նահանգների նախագահը փաստացի հայտարարել է, որ մենք որևէ ճկունություն չունենք… առաջինը՝ հարստացված ուրանի հետ կապված է», – ասել է նա Fox News-ին տված հարցազրույցում՝ նշելով, որ ԱՄՆ-ն ցանկանում է այս նյութը դուրս բերել Իրանից։
«Եվ երկրորդ հարցը ստուգումն է։ Մի բան է, որ իրանցիներն ասեն, որ մտադիր չեն ունենալ միջուկային զենք։ Մեկ այլ բան է, որ մենք ստեղծենք մեխանիզմ, որը կերաշխավորի, որ դա տեղի չի ունենա», – հավելել է Վենսը։