Գիշերը Երևանում հորդ անձրև է տեղացել և կրկին դժվարացրել քաղաքացիների տեղաշարժը հատկապես այն փողոցներում, որտեղ հեղեղատար համակարգը վատ է գործում։ Ջրածածկ փողոցներ, խցանված երթևեկություն և տուժած քաղաքացիներ․ մայրաքաղաքը հերթական անգամ բախվել է տարիներ շարունակ չլուծվող խնդրին։ Քաղաքացիներն ասում են՝ պատկերը կրկնվում է ամեն հորդառատ անձրևի հետ։ Քաղաքային իշխանությունը լուծումներ է խոստանում։