Առողջապահության համաշխարհային կազմակերպությունը՝ հետևում է Covid-19-ի նոր՝ BA.3.2 («Ցիկադա») տարբերակին, որը հայտնաբերվել է արդեն 23 երկրում՝ ներառյալ ԱՄՆ-ը և Մեծ Բրիտանիան։
Ի՞նչ է «Ցիկադան»
Այս տարբերակը ստացել է «Ցիկադա» անվանումը, քանի որ երկար ժամանակ «թաքնված» է եղել՝ ինչպես նույնանուն միջատը։ Այն համարվում է խիստ մուտացված տարբերակ։
Ո՞վ է ավելի խոցելի
Նախնական տվյալները ցույց են տալիս, որ երեխաները կարող են ավելի հաճախ վարակվել, քան մեծահասակները։
Պատճառները`
- երեխաների իմունիտետը դեռ լիովին ձևավորված չէ
- օրգանիզմը չի ճանաչում այս նոր տարբերակը
Ախտանիշները
Առայժմ «Ցիկադան» չի առաջացնում ավելի ծանր հիվանդություն, քան մյուս տարբերակները։
Ախտանիշները նույնն են՝
- ջերմություն
- հազ
- կոկորդի ցավ
- հոգնածություն
- գլխացավ
- շնչառության դժվարություն
Պատվաստանյութերը կաշխատե՞ն
Թեև նոր մուտացիաների պատճառով պատվաստանյութերի արդյունավետությունը կարող է փոքր-ինչ նվազել, մասնագետները նշում են, որ դրանք դեռ պաշտպանում են ծանր ընթացքից։
Պետք է արդյոք անհանգստանալ
Մասնագետների կարծիքով՝
- նոր տարբերակների առաջացումը բնական գործընթաց է
- «Ցիկադան» ներկայում համարվում է ցածր ռիսկային
- ծանր դեպքերի աճ չի արձանագրվել
- Covid-19-ը աստիճանաբար դառնում է սովորական սեզոնային շնչառական վարակ։
Ովքեր պետք է զգոն լինեն
Ռիսկի խմբում են՝
- 65-ից բարձր մարդիկ
- քրոնիկ հիվանդություններ ունեցողները
- թուլացած իմունիտետ ունեցողները
Երեխաների մեծ մասի մոտ հիվանդությունն անցնում է թեթև, սակայն ուղեկցող հիվանդությունների դեպքում անհրաժեշտ է դիմել բժշկի։