ԱՄՆ նախագահ Դոնալդ Թրամփը հայտարարում է, որ ԱՄՆ-ն սկսելու է «ՇՐՋԱՓԱԿԵԼ Հորմուզի նեղուց մտնել կամ դուրս գալ փորձող բոլոր նավերը»։
Truth Social-ում իր նոր, ծավալուն գրառման մեջ նա հայտնել է, որ «որոշակի պահի» կհասնեն ազատ անցման վերաբերյալ համաձայնության, բայց «Իրանը թույլ չի տվել, որ դա տեղի ունենա՝ պարզապես ասելով. «Այնտեղ կարող է ական լինել», որի մասին ոչ ոք չգիտի, բացի իրենցից»։
Նույն գրառման մեջ Թրամփը նաև ասել է, որ «հրահանգել է ռազմածովային ուժերին փնտրել և արգելել միջազգային ջրերում գտնվող յուրաքանչյուր նավի, որը տուրք է վճարել Իրանին», և որ ԱՄՆ ռազմածովային ուժերը սկսելու են «ոչնչացնել նեղուցներում իրանցիների կողմից տեղադրված ականները»։
«Ոչ ոք, ով անօրինական տուրք է վճարում, չի ունենա անվտանգ անցում բաց ծովում», — ասում է նա՝ հավելելով, որ «ցանկացած իրանցի, որը կրակ կբացի մեզ կամ խաղաղ նավերի վրա, կուղարկվի դժոխք»։
«Շրջափակումը շուտով կսկսվի», -հայտարարել է Թրամփը։