Իտալիայի երիտասարդական հավաքականի մարզիչ Սիլվիո Բալդինին կգլխավորի երկրի գլխավոր թիմը հունիսին կայանալիք ընկերական հանդիպումներում։
Հիշեցնենք, որ հունիսին Իտալիայի ազգային հավաքականն ընկերական խաղեր է անցկացնելու Լյուքսեմբուրգի և Հունաստանի ընտրանիների հետ։
Հանդիպումները նախատեսված են հունիսի 3-ին և 7-ին։
Ավելի վաղ Իտալիայի հավաքականը ձախողել էր Հյուսիսային Ամերիկայում կայանալիք աշխարհի առաջնության ուղեգրի համար պայքարը։
Անցումային վճռորոշ խաղում իտալացիները հետխաղյա 11-մետրանոցներով զիջել էին Բոսնիա և Հերցեգովինայի հավաքականին։
Մունդիալի հերթական ընտրական փուլի ձախողումից հետո թիմի գլխավոր մարզչի պաշտոնը լքել էր Ջենարո Գատուզոն։