Պակիստանի վարչապետ Շահբազ Շարիֆը հաստատել է, որ ԱՄՆ-ի և Իրանի պատվիրակությունների միջև բանակցությունները կսկսվեն ապրիլի 11-ին Իսլամաբադում։
«Երկու երկրների ղեկավարությունը վաղը ներկա կլինի Իսլամաբադում, և Պակիստանի իշխանությունները կգործադրեն բոլոր ջանքերը՝ բանակցությունների հաջողությունն ապահովելու համար», — ազգին ուղղված իր ուղերձում ասել է Շարիֆը։
ԱՄՆ պատվիրակությունը գլխավորում է փոխնախագահ Ջեյ Դի Վենսը, որի կազմում են նաև նախագահի հատուկ բանագնաց Սթիվ Ուիթքոֆը և Ջարեդ Քուշները։
Սպասվում է, որ Իրանի պատվիրակությունը կգլխավորեն խորհրդարանի խոսնակ Մոհամմադ-Բաղեր Ղալիբաֆը և արտգործնախարար Աբբաս Արաղչին։
Քննարկվելու է Իրանի ներկայացրած 10-կետանոց ծրագիրը, որը ներառում է պատժամիջոցների վերացման, տարածաշրջանից ԱՄՆ զորքերի դուրսբերման և Հորմուզի նեղուցի վերահսկողության հարցը։
Իսլամաբադում հայտարարվել է երկօրյա ոչ աշխատանքային օր (ապրիլի 10 և 11), քաղաքը գտնվում է անվտանգային խիստ հսկողության տակ։