Լիբանանի առողջապահության նախարարությունը հայտնել է, որ վերջին 24 ժամվա ընթացքում Իսրայելի օդային հարվածների հետևանքով զոհվել է առնվազն 65 լիբանանցի, ևս 211-ը վիրավորվել է։
«Ռազմական էսկալացիայի սկզբից ի վեր զոհված քաղաքացիական անձանց ընդհանուր թիվը հասել է 1953-ի, իսկ վիրավորների թիվը՝ 6303-ի», – ասվում է նախարարության զեկույցում, որը հրապարակվել է X-ում։
Նշվում է, որ ապրիլի 8-ին Բեյրութի և Լիբանանի այլ քաղաքների Իսրայելի կողմից ռմբակոծությունների հետևանքով զոհերի թիվը 254-ից հասել է 357-ի, իսկ վիրավորներինը՝ 1165-ից՝ 1223-ի։ «Սա վերջնական զոհերի թիվը չէ, քանի որ մի շարք վայրերում շարունակվում է փլատակների մաքրումը, հայտնաբերվել են մարմինների բեկորներ, և ԴՆԹ թեստավորման համար ժամանակ կպահանջվի», – ընդգծվում է զեկույցում։