Իրանի պետական լրատվամիջոցները տարածել են երկրի գերագույն առաջնորդ Մոջթաբա Խամենեիին վերագրվող հայտարարությունը։
Հայտարարությունը ներկայացվել է գրավոր ձևաչափով։ Նշվում է, որ Խամենեին մինչ այժմ չի հայտնվել հանրության առջև՝ երկրի ղեկավարի պաշտոնը ստանձնելուց հետո, որը հաջորդել է իր հոր մահվանը պատերազմի սկզբնական փուլում։
Տարածված հաղորդագրության մեջ նշվում է, որ Իրանը պատերազմից դուրս է եկել որպես «հաղթանակած ազգ»։
Պետական լրատվամիջոցները խոստանում են ավելի ուշ ներկայացնել հայտարարության մանրամասները։