Հեռախոսազրույց է տեղի ունեցել Ադրբեջանի արտաքին գործերի նախարար Ջեյհուն Բայրամովի և Իրանի արտաքին գործերի նախարար Սեյեդ Աբբաս Արաղչիի միջև։
Հեռախոսազրույցի ընթացքում կողմերը մտքեր են փոխանակել տարածաշրջանում առկա անվտանգային իրավիճակի, ինչպես նաև ձեռք բերված հրադադարի վերաբերյալ։
Բայրամովը ողջունել է հայտարարված հրադադարը։ Ընդգծվել է դրա պահպանման կարևորությունը լարվածության նվազեցման, բանակցությունների հաջող ավարտի և կայունության հաստատման առումով։
Նախարարները քննարկել են նաև փոխադարձ հետաքրքրություն ներկայացնող այլ հարցեր։